[node:title]
2019-05-15 12:46

Erakusketa aretoa jolastoki bihurtua

Umeak aretoan korrika sartu eta podioan gora hasi orduko gurasoak entzuten ditut atetik, ezer ez ukitzeko oihuka.

Momentu horietan hasten da nire bitartekaritza lana. Ukitu eta jolastu, esperimentatu, izan zu zeu performerra!!

Eta berriro ere harridura aurpegiak.

Estherrek jolastu dezagun nahi baitu. Bere eskuzabaltasun guztiarekin bere proposamenak eskaini baitizkigu. Hauek geure erara ulertu eta egiteko.

Pentsatzera, lotsatzera, ausartzera eta batez ere gure gorputzetik esperimentatzera gonbidatzen gaitu. Aldi berean, momentu oro, publiko zein performer izatera.

Erakusketa interaktiboa dela dakienik ere badago, Donostia oso txikia baita. Eta egin beharko dutenaren aurrean, prestu, baina urduri sartzen direnak.

Esther Ferrerren lana ezagutzen ez zutenentzat ere, bere proposamena barru barrutik  ezagutzeko aukera ezin hobea.

Pertsona ugari pasa dira jada erakusketatik, eta askok aktibatu dituzte lanak. Hauek izan dira seguraski esperientzia handiena eraman dutenak etxera.

Gogoratzen ditut, manga arropa jantzita zeramaten bi neskatilak “V” formako espekulazioak lanean beraien gurasoak manipulatzen bota zituzten barre algarak.

Gogoratzen ditut, 80 urtetik gorako bi aitonak. Eskolako patioa bailitzan  sokarekin jolasean  eta makilak eskuan hartuta kantuan. Eta gogoan dut noski  amaieran elkarri eman zioten besarkada goxoa.

img_20190407_125159.jpg img-20190504-wa0003.jpg  img_20190413_130023.jpg

Askotan aritu naiz denbora abesten ZAJ kontzertuan. Beti ere pertsona, doinu eta erritmo desberdinetan. Denboraren subjektibotasuna bizi izan dugu elkarrekin. Minutu baten eternitatea. Italiar bikote harekin erromantizismora bueltatu ginen ia.

Bermeoko emakume taldeaz gogoratzen naiz, Estherren ahizparen lagunak guztiak. 65 urtetik aurrera lotsa galdua zutela esplikatu zidaten. Pozgarria edo azalorea buruan jarrita egin zituzten barreez ere oroitzen naiz.

Gogoratzen dut Londresko bikote gaztea, Espectáculo / Olucatcepse poemaren irakurketa aho-korapilotsuan murgilduta.

Gogoratzen ditut, Madrilgo bi artistak. Akzioak egin bezain pronto beraien esperientzia idatziz ibili zirenak.

Gogoan dut Esther Ferrer idolatratzen zuen Arte Ederretako ikasle gaztea!

Gogoratzen ditut, Txinar jatorrizko bi estatubatuarrak. Egiten aritu ziren guztiaren argazkilari izan bainintzen.

Gogoratzen ditut, begi urdineko neskatila haren negarrak, txartelekin jolasten jarraitu nahi zuela arren eskatzen zuen artean. 

Gogoan ditut ABCD puntuetan zehar etengabeko jolasean aritu ziren aita semeak.

Nola ez gogoratu, birritan etorri diren nire lagun Amaia eta bere lagun taldea. Akzio guztiak egiteko helburua izan dutenak.

Gogoratzen ditut Atzegi elkarteko  bi taldeak. Akzio guztiak mota guztietako pertsonentzat egokitzen baitira.

Gogoratzen ditut, txakurrarena egin edo eta lorontzia buru gainean jarrita seme alabak irribarrez leherrarazi zituzten gurasoek.

Gogoratzen dut, bere bilobaren aurrean, minutu batez, orgasmo bat irudikatu zuen amona.

Gogoratzen ditut Irlandako familia jatorra, hegoafrikarrak eta Frantzia aldetik etorritako bisitari ugariak…

Gogoan ditut, Natura edo eta Performancea gai-buru hartuta izan ditugun etengabeko elkarrizketak

Gogoan ere Alemaniarren aulki karrera…

Sokak eman dizkigun momentu erromantikoak..

Granadako Pedro..

Ainara eta bere lagun abeslariak…

Paula eta mutil kubatarra….

Esmeralda eta ama..

Gehiago irakurri

  • 2018-09-18

    Ubikeko autoedizio txokoa, zure eskura

    Ubikek hamaika erreminta eta baliabide jartzen ditu erabiltzaileen eskura. Oraingo honetan, autoedizio txokoak eskaintzen dituen aukerak azalduko dizkizugu. Ba al zenekien, tresna ezberdinez gain, doako lantegiak ere eskaintzen ditugula? Ikusi bideoa...

    Gehiago irakurri
  • pianoa plastilina eroalea
    2018-08-30

    Ikasketa-praktikak Hirikilabs-en: Teknologia Txokoak garatzerakoan ikasitakoaz

    Industria elektronika eta automatikako ikaslea izanik, esperientzia berezi baten aurrean nengoen uda hasieran: praktikak egin behar nituen Hirikilabs-en. Egia esan, ez nekien zer espero praktika hauetatik eta, baina hilabete hauen buruan guztiz...

    Gehiago irakurri
  • Sortzaileen Gunea
    2018-08-28

    Egoiliar berriak Tabakaleran

    Ikasturte berriarekin batera, egoiliar berriak iritsiko dira Tabakalerara, Sortzaileen Gunean beren proiektuak garatzeko. 2017an eginiko deialdian aukeratutako proposamenek osatuko dute 2018. urtearen lehen zatian gune horretan lanean aritu den...

    Gehiago irakurri
  • Tabakalera Taulara
    2018-08-22

    Tabakalera Taulara

    Uztailaren 5ean, Ud-ha 2018 ekimenaren barruan, Tabakalera Taulara programazioa hasi zen, Chico y Chica artisten Notario (Encadenado). Un concierto hablado lanarekin. Erdia abestua eta erdia kontatua den ikuskizun hori bikotearen “Notario: Cuaderno...

    Gehiago irakurri
  • ubik arrainontzia
    2018-08-21

    Ubikeko arrainak

    Edozein egunetan Ubikeko langileoi bulegoko beira gainetik janaria botako digute arrainei bezala. Eta zergatik? Ba arrainontzi bat delako! Bulegoari "pezera" deitzen diogunean, erabiltzaile batzuek barre egiten dute eta txikienek arrainak ote garen...

    Gehiago irakurri